बागमतीमा ‘हेलो सीएम’ डेक्स, जनताका गुनासो तत्काल सुनुवाइ हुने

मकवानपुर । बागमती प्रदेश सरकारले हेलो सीएम डेक्स स्थापना गरेको छ । नागरिकका गुनासा, उजुरी तथा सुझावलाई तत्काल सुनुवाइ र कार्यान्वयन गर्ने उद्देश्यका साथ ‘हेलो सीएम’ सेवा औपचारिक रूपमा सञ्चालनमा ल्याएको हो ।

सरकारको नीति तथा कार्यक्रम र बजेटमा समावेश गरिएको उक्त हेलो सीएम डेक्स सञ्चालनमा ल्याएको हो । मुख्यमन्त्री इन्द्रबहादुर बानियाँले बुधबार मुख्यमन्त्री तथा मन्त्रिपरिषद्को कार्यालयमा स्थापित ‘हेलो सीएम डेस्क’ को शुभारम्भ गर्दै प्रदेश सरकारलाई नागरिकप्रति थप उत्तरदायी, पारदर्शी र सेवामुखी बनाउने अभियानको सुरुआत भएको बताए ।