अब्बल अफ्रिकाः १० मध्ये नौ टोली विश्वकपको अन्तिम ३२मा

एजेन्सी । सन् २०२६ को विश्वकपका लागि अफ्रिकाबाट ऐतिहासिक रूपमा १० राष्ट्र छनोट भएका थिए । शनिबार राति कङ्गोले उज्बेकिस्तानलाई ३–१ ले पराजित गरेपछि र अल्जेरियाले अस्ट्रियासँग रोमाञ्चक ३–३ को बराबरी खेलेपछि तीमध्ये नौ टोली नकआउट चरणमा प्रवेश गर्न सफल भएका छन् ।

यसअघि अफ्रिकी टोलीका लागि एकै संस्करणमा नकआउट चरणमा पुग्ने सर्वाधिक संख्या केवल दुई थियो । प्रतियोगिताको १७ दिनको प्रतिस्पर्धापछि मोरक्को, दक्षिण अफ्रिका, सेनेगल, आइभरी कोस्ट, घाना, केप भर्डे, इजिप्ट, कङ्गो र अल्जेरियाले अन्तिम ३२ मा स्थान सुरक्षित गरे ।