'गर या मर' को खेलमा नेपाल फेरि पनि १५७ रनमै अलआउट

काठमाडौँ । आईसीसी क्रिकेट विश्वकप लिग-२ अन्तर्गत गर या मरको खेलमा नेपालले फेरि पनि १५७ रनमात्र बनाएको छ । त्रिकोणात्मक श्रृंखलाको पहिलो भिडन्तमा नामिबियासँग ८ विकेटको निराशाजनक हार बेहोर्ने क्रममा १५७ रनमै रोकिएको नेपालले दोस्रो खेलमा घरेलु टोली नेदरल्याण्ड्ससँग पनि १५७ रन नै बनाएको हो ।

खेलमा नेपालले टस हारेर पहिले ब्याटिङ गर्दै ४४ ओभर ४ बलमा अलआउट हुँदै उक्त योगफल बनाएको हो । ७५ रन जोड्दा ५ विकेट गुमाइसकेको नेपालका लागि आरिफ शेखले सर्वाधिक ४१ रन जोडे । त्यस्तै गुल्सन झाले २९ तथा दिपेन्द्र सिंह ऐरीले २१ रन बनाए ।