बालेन सरकारप्रति राजेश हमालको कठोर टिप्पणी– यस्तै हो भने देश ठप्प अवस्थातर्फ जान्छ

अभिनेता राजेश हमालले यही शैलीमा चल्ने हो भने देश प्रगतितर्फ नभई ठप्प अवस्थातर्फ उन्मुख हुनसक्ने टिप्पणी गरेका छन् । सामाजिक सञ्जालमा धारणा सार्वजनिक गर्दै हमालले भविष्यको पूर्वानुमान गर्न नसकी दैनिक व्यवस्थापनमै अल्झिने हो भने देश ठप्प अवस्थामा जानसक्ने कठोर टिप्पणी गरेका हुन् ।

उनले देशको शासन प्रणाली दीर्घकालीन सोच, तथ्यमा आधारित र स्पष्ट रणनीतिका आधारमा सञ्चालन हुनुपर्ने बताएका छन् । उनले शासन प्रणालीलाई ‘हिट एन्ड मिस’ अर्थात् अन्दाज र परीक्षणको शैलीमा सञ्चालन गर्नु बुद्धिमानी नहुने उल्लेख गरेका छन् ।