योग तथा प्राकृतिक चिकित्सा र चिकित्सकहरूको न्यायपूर्ण पहिचानको अपेक्षा

काठमाडाैं । नेपालको स्वास्थ्य क्षेत्रमा योग तथा प्राकृतिक चिकित्सा र होमियोप्याथीका चिकित्सकहरूले दशकौँदेखि महत्वपूर्ण योगदान दिँदै आएका छन्। सीमित स्रोतसाधन, नीतिगत अस्पष्टता तथा छुट्टै नियामक परिषद्को अभावका बाबजुद पनि यी चिकित्सकहरूले नेपालका विभिन्न क्षेत्रका नागरिकलाई निरन्तर स्वास्थ्य सेवा प्रदान गर्दै आएका छन्।

यी चिकित्सा विधाका चिकित्सकहरू पनि अन्य चिकित्सा विधाका चिकित्सकहरू सरह प्लस टु पश्चात् पाँच वर्षभन्दा बढी अवधिको अध्ययन, प्रशिक्षण र चिकित्सकीय अभ्यास पूरा गरेर योग्य बनेका हुन्छन्। विश्वका प्रतिष्ठित विश्वविद्यालयहरूबाट शिक्षा हासिल गरी देश फर्किएका धेरै चिकित्सकहरूले नेपालमै सेवा गर्ने चाहना राखे पनि आवश्यक कानुनी तथा संस्थागत व्यवस्थाको अभावले उनीहरूको क्षमता पूर्ण रूपमा उपयोग हुन सकेको छैन।