जलवायु परिवर्तन र तीव्र सहरीकरणको असर: नयाँ क्षेत्रमा फैलिँदैछ डेंगी

बढ्दो तापक्रम, वर्षाको बदलिँदो स्वरूप र अव्यवस्थित सहरीकरणका कारण लामखुट्टेका कारण लाग्ने डेंगी रोगको जोखिम नयाँ ढाँचामा विश्वभर फैलिँदै गएको एक अध्ययनले देखाएको छ । जलवायु परिवर्तन र तीव्र सहरीकरणले लामखुट्टेको प्रजनन, भाइरसको फैलावट र संक्रमणको समयावधिमा परिवर्तन ल्याइरहेको सो वैज्ञानिक अध्ययनको निष्कर्ष छ।

अमेरिकाको जर्जटाउन विश्वविद्यालयका अनुसन्धानकर्ताहरूले गरेको अध्ययनमा सन् २०२० देखि २०२४ सम्म विश्वभर प्रकाशित ६५ वटा वैज्ञानिक अनुसन्धानको समीक्षा गरिएको छ । यो अध्ययन ‘प्लोस नेग्लेक्टेड ट्रोपिकल डिजिजेज’ नामक वैज्ञानिक जर्नलमा गत सोमबार प्रकाशित भएको हो ।