भारतीय जेलमा रहेका नेपाली किसानको तत्काल रिहाइक गर्न कांग्रेसको माग

काठमाडौँ। नेपाली कांग्रेसले भारतीय जेलमा रहेका सर्लाहीका दुई नेपाली किसानको अविलम्ब रिहाइका लागि प्रभावकारी कूटनीतिक पहल गर्न सरकारसँग माग गरेको छ। साथै, देशमा देखिएको रासायनिक मलको अभाव तत्काल समाधान गर्न पनि सरकारको गम्भीर ध्यानाकर्षण गराएको छ।

कांग्रेसका कार्यवाहक मुख्यसचिव कृष्णप्रसाद दुलालले शुक्रबार एक विज्ञप्ति जारी गर्दै सर्लाहीको बलरा नगरपालिकाका कृषक सुरेशप्रसाद सिंह र नागेन्द्रप्रसाद सिंह भारतीय बजारबाट खेतीका लागि आवश्यक रासायनिक मल खरिद गरेर फर्किने क्रममा भारतीय सुरक्षा निकायबाट पक्राउ परेको घटनाप्रति गम्भीर चिन्ता व्यक्त गरेको हो।