१ वर्षमा भित्रियो करिब ४९ अर्बको स्मार्टफोन, स्मार्टवाचको आयातमा आयो गिरावट

काठमाडौं । गत आर्थिक वर्षमा नेपालमा करिब ४९ अर्ब रुपैयाँ बराबरको स्मार्टफोन र २४ करोड रुपैयाँको स्मार्टवाच भित्रिएको छ । भन्सार विभागको तथ्याङ्क अनुसार आर्थिक वर्ष २०८२/८३ मा कूल ४८ अर्ब ६९ करोड ३४ लाख ७६ हजार रुपैयाँ बराबरको स्मार्टफोन मुलुक भित्रिएको हो ।

गत आर्थिक वर्षमा २२ लाख ६७ हजार ४१९ थान स्मार्टफोन आयात भएको हो । अघिल्लो आर्थिक वर्ष २०८१/८२ को तुलनामा स्मार्टफोनको आयातको परिमाणमा सामान्य वृद्धि भए पनि आयात मूल्यमा भने उल्लेख्य वृद्धि भएको देखिन्छ । अघिल्लो आर्थिक वर्षमा नेपालमा ३५ अर्ब ५४ करोड ७३ लाख ४२ हजार रुपैयाँ बराबरको २१ लाख ८४ हजार ६९४ थान फोन आयात भएको विभागको तथ्यांकले देखाएको छ ।