कृषिप्रधान देशमै खाद्यान्नमा परनिर्भरः एकै वर्षमा भित्रियो झण्डै ६० अर्बको अन्न

काठमाडौँ । एक वर्षमा झण्डै ६० अर्ब बराबरको खाद्यान्न आयात भएको छ । भन्सार विभागले सार्वजनिक गरेको गत आर्थिक वर्ष २०८२/८३ को वार्षिक (साउनदेखि असारसम्म) तथ्यांकअनुसार नेपालले एकै वर्षमा झण्डै ६० अर्ब रुपैयाँ बराबरको खाद्यान्न आयात गरेको छ ।

तथ्यांक अनुसार यस अवधिमा कुल १ अर्ब २१ करोड ६३ लाख किलो ९करिब १२ लाख १६ हजार मेट्रिक टन० भन्दा बढी विभिन्न प्रकारका अनाज नेपाल भित्रिएको छ । यसबापत नेपालबाट कुल ५९ अर्ब ६६ करोड रुपैयाँभन्दा बढी रकम बाहिरिएको छ भने सरकारले यी वस्तुको आयातबाट अर्बौँ रुपैयाँ भन्सार राजस्वसमेत संकलन गरेको छ ।