भारतले जित्यो वुमेन्स साफ च्याम्पियनसिपको उपाधि

गोवा (भारत) — भारतले छैटौंपल्ट वुमेन्स साफ च्याम्पियनसिपको उपाधि जितेको छ । भारतले पण्डित जवाहरलाल नेहरु स्टेडियममा शनिबार भएको फाइनलमा दुईपल्टको डिफेन्डिङ च्याम्पियन बंगलादेशलाई ३–१ ले हराएको हो ।

घरेलु टिमका लागि प्यारी सासाले १ गोल गरिन् र अर्को गोलमा अवसर सिर्जना गरिन् । प्यारीको गोलले भारतले ४२ औं मिनेटमा अग्रता लिएको थियो । पहिलो हाफको इन्ज्युरी समयमा बंगलादेशका तर्फबाट ऋतुपोर्ना चक्माले बराबरी गोल फर्काइन् ।