कोशी प्रदेशकै पहिलो अत्याधुनिक ‘बर्न युनिट’ सञ्चालनमा

कोशी प्रदेशमा आगलागी, तातो पदार्थ, रसायन वा विद्युतीय दुर्घटनाबाट गम्भीर रूपमा जलेका बिरामीको उपचार अब विराटनगरमै हुने भएको छ । यसअघि उपचारका लागि काठमाडौं वा भारत जानुपर्ने बाध्यता रहँदै आएको थियो ।

विराटनगरस्थित नोबेल मेडिकल कलेज शिक्षण अस्पतालमा प्रदेशकै पहिलो अत्याधुनिक ‘बर्न युनिट’ (जलन उपचार कक्ष)को एक कार्यक्रमका बीच कोशी प्रदेशका स्वास्थ्य मन्त्री मानबहादुर लिम्बूले उद्घाटन गरे । सो अवसरमा वरिष्ठ प्लास्टिक तथा पुनर्निर्माण शल्यचिकित्सक प्रा.डा. शंकरमान राईको उपस्थिति रहेको थियो ।