वैदेशिक व्यापारमा सुधार, तर घाटा झण्डै १८ खर्ब

काठमाडौं– नेपालको वैदेशिक व्यापारको आकारले इतिहासमै पहिलो पटक नयाँ रेकर्ड कायम गरेको छ । भन्सार विभागले बिहीबार सार्वजनिक गरेको गत आर्थिक वर्ष २०८२/८३ को वार्षिक तथ्यांकअनुसार नेपालले विश्वका विभिन्न देशहरूसँग गर्ने आयात र निर्यातसहित कुल वैदेशिक व्यापारको आकार २४ खर्ब रुपैयाँको विन्दुलाई पार गरेको छ ।

एकातिर कुल व्यापारको आकार हालसम्मकै उच्च विन्दुमा पुगेको छ तर आयात र निर्यातबचिको खाडल झनै गहिरिँदै गइरहेको छ ।