‘पुष्पलाल इतिहासका पानामा सीमित नाम होइनन्, राजनीतिक चेतनाको दियो हुन्’

काठमाडौँ । साउन ७ गते नेपाल कम्युनिस्ट पार्टीका संस्थापक महासचिव पुष्पलाल श्रेष्ठको स्मृति दिवस । नेपालको वामपन्थी राजनीतिक वृत्तमा पुष्पलाल एक ऐतिहासिक पात्र मात्र होइनन्, उनी एक यस्तो दर्शन हुन्, जसले नेपाली समाजको वस्तुगत अवस्थाको विश्लेषण गर्दै क्रान्तिको मार्ग कोरेका थिए ।

यस वर्षको स्मृति दिवसको सन्दर्भमा रातोपाटी विभिन्न नेताहरुसँग कुराकानी गर्दा पुष्पलाललाई इतिहासको मार्गदर्शक र प्रेरणाका रुपमा सम्झिए । पुष्पलाललाई नेपाली कम्युनिस्ट आन्दोलनका ‘भीष्म पितामह’का रुपमा अधिकांश नेताहरुले स्मरण गरे ।