एनआईसी एशिया क्यापिटलद्वारा निक्षेप सदस्य सेवाअन्तर्गत निःशुल्क डिम्याट सेवा सहित विशेष छुट

एनआईसी एशिया क्यापिटलले विगत लामो समयदेखि ‘एक नेपाली, एक डिम्याट खाता’ अभियान सञ्चालन गर्दै आएको छ। पछिल्लो समयमा प्रविधिको अधिकतम प्रयोग गर्दै एनआईसी एशिया क्यापिटलले निक्षेप सदस्यअन्तर्गतका सम्पूर्ण सेवाहरू डिजिटल रूपमा उपलब्ध गराउनुका साथै एनआईसी एशिया बैंक लिमिटेडका सम्पूर्ण शाखा कार्यालयहरूमार्फत समेत डिम्याट तथा मेरो सेयर खाता खोल्ने, नवीकरण गर्ने लगायत निक्षेप सदस्यअन्तर्गतका अधिकांश सेवाहरू उपलब्ध गराउँदै आएको छ।

क्यापिटलबाट प्रदान गरिने सेवाहरूलाई चुस्त, दुरुस्त तथा ग्राहकमुखी बनाई सहज र सर्वसुलभ रूपमा उपलब्ध गराउने मुख्य उद्देश्यका साथ एनआईसी एशिया क्यापिटलले आर्थिक वर्ष २०८३/८४ मा निक्षेप सदस्य सेवाअन्तर्गत निःशुल्क डिम्याट तथा मेरो सेयर खाता सेवासहित निम्नअनुसारका योजनाहरू सञ्चालन गर्न लागेको बैंकले जनाएको छ।