बाढीबाट उद्धार भएकी वृद्धा वीरमा, पहिचान हुन सकेन

११ भदौ, काठमाडौं । रसुवामा आएको विनाशकारी बाढीबाट उद्धार गरिएकी अन्दाजी ७५ वर्षीया एक वृद्धाको वीर अस्पतालमा उपचार भइरहेको छ । बाढीबाट उद्धार गरी काठमाडौं ल्याइएकी ती वृद्धाको पहिचान भने अझै खुलेको छैन ।

वीर अस्पतालका निर्देशक डा. विकास नेपालका अनुसार वृद्धालाई देवघाटस्थित एक वृद्धाश्रमबाट उद्धार गरिएको हो । बाढीले वृद्धाश्रम रहेको क्षेत्रसमेत प्रभावित भएपछि उनको उद्धार गरी उपचारका लागि वीर अस्पताल ल्याइएको उनले बताए ।