मेटलाइफ नेपालले बाढीपीडितका लागि ३० लाख सहयोग गर्ने

काठमाडौं । मेटलाइफ नेपालले भोटेकोशीसहित विभिन्न क्षेत्रमा आएको विनाशकारी बाढीबाट प्रभावित समुदायको उद्धार, राहत तथा पुनःस्थापनाका लागि प्रधानमन्त्री दैवी प्रकोप उद्धार कोषमा ३० लाख रुपैयाँ सहयोग गरेको छ।

कम्पनीले बिहीबार विज्ञप्ति जारी गर्दै रसुवा, नुवाकोट र धादिङलगायत जिल्लामा बाढीका कारण ठूलो जनधनको क्षति हुनुका साथै धेरै परिवार विस्थापित भएको जनाएको छ। बाढीबाट सडक, पुल तथा अन्य भौतिक पूर्वाधारमा समेत व्यापक क्षति पुगेको कम्पनीले जनाएको छ।