कांग्रेस जोगाउन स्थानीय जनप्रतिनिधिकाे हस्तक्षेप, राष्ट्रिय भेला बोलाइयो

काठमाडौँ। नेपाली कांग्रेसभित्र देखिएको विवाद थप पेचिलो भन्दै गएपछि स्थानीय तहमा कांग्रेसबाट निर्वाचित नगर र गाउँपालिकाका जनप्रतिनिधिहरूले नेताहरूलाई दबाब दिन राष्ट्रिय भेला गर्ने भएका छन् ।

स्थानीय तहमा निर्वाचित नगर प्रमुख, उपप्रमुख, अध्यक्ष, उपाध्यक्ष , वडा अध्यक्ष र सदस्य समेतलाई काठमाडौँ बोलाई साउन १६ गते दबाबमूलक भेला गर्न लागेको हो । बिहीबार गोकर्ण रिसोर्टमा कागेश्वरी मनोहरा नगरपालिकाका नगर प्रमुख उपेन्द्र कार्कीको सभापतित्वमा भएको नगर प्रमुखहरूको बैठकले यस्तो निर्णय गरेको हो ।