उपराष्ट्रपति यादव इजिप्टको राष्ट्रिय दिवसमा सहभागी

काठमाडौँ, ७ साउनः उपराष्ट्रपति रामसहायप्रसाद यादव इजिप्टको ७४औँ राष्ट्रिय दिवसका अवसरमा आज साँझ ललितपुरमा आयोजित स्वागत समारोहमा सहभागी हुनुभयो ।

नेपालका लागि इजिप्टका राजदूत शरिफ एल दिवानीद्वारा आयोजित उक्त समारोहमा यहाँस्थित विभिन्न मुलुकका कूटनीतिक नियोगका प्रमुख, नेपाल सरकारका उच्च अधिकारी, कूटनीतिक समुदायका सदस्य, राजनीतिक दलका प्रतिनिधि, व्यवसायी, सञ्चारकर्मी तथा अन्य विशिष्ट व्यक्तिहरूको उपस्थिति थियो ।