बाढीले अवरुद्ध मध्यपहाडी लोकमार्गको दिक्तेल–चखेवाभञ्ज्याङ सडकखण्ड सञ्चालनमा

काठमाडौँ । बाढी र लेदोका कारण पूर्ण रूपमा अवरुद्ध बनेको मध्यपहाडी लोकमार्ग अन्तर्गतको दिक्तेल–चखेवाभञ्ज्याङ सडकखण्ड दुई दिनपछि पुनः सञ्चालनमा आएको छ। खोटाङको दिक्तेल रूपाकोट मझुवागढी नगरपालिका–८ बुवालुङस्थित पङ्खुखोलामा आएको बाढीले उक्त सडकखण्ड अवरुद्ध पारेको थियो।

यही जेठ २२ गते (शुक्रबार) साँझ परेको भारी वर्षासँगै पङ्खुखोलामा आएको बाढी र माथिबाट बगेर आएको लेदोले करिब २५ मिटर सडक पूर्ण रूपमा पुरेको थियो। अवरुद्ध सडक खुलाउन दिक्तेल रूपाकोट मझुवागढी नगरपालिका, नेपाली सेनाको रणभीम गण मुडे ब्यारेकको टोली, जिल्ला प्रहरी कार्यालय खोटाङ र स्थानीय बासिन्दाको संयुक्त एवं निरन्तरको प्रयासपछि सडक पुनः सञ्चालनमा ल्याइएको हो।