शेयर कारोबार रोक्ने सरकारी निर्णय पुनर्विचार गर्न एनसेलको आग्रह, विदेशी लगानीमै असर पर्ने दाबी

काठमाडौं । दूरसञ्चार सेवा प्रदायक एनसेलले आफ्नो शेयर खरिद बिक्री प्रक्रियालाई सरकारी मान्यता नदिने निर्णय, अनुमतिपत्र नवीकरणमा राखिएका शर्त तथा दूरसञ्चार नियमावलीमा गरिएको संशोधनले नेपालको लगानीसम्बन्धी कानुन र अन्तर्राष्ट्रिय प्रतिबद्धतासँग बाझिएको भन्दै सरकारसँग पुनर्विचारको माग गरेको छ ।

कम्पनीले प्रधानमन्त्री तथा मन्त्रिपरिषद्को कार्यालयमा पत्र बुझाउँदै मन्त्रिपरिषद्को निर्णय, नेपाल दूरसञ्चार प्राधिकरणले अनुमतिपत्र नवीकरणका क्रममा लगाएका शर्त तथा नियमावलीको दशौं संशोधन पुनरावलोकन गर्न आग्रह गरेको हो । कम्पनीका अनुसार यसअघि पनि २०८२ पुस २३ गते सम्बन्धित निकायलाई पत्र पठाइएको भएपनि कुनै औपचारिक प्रतिक्रिया प्राप्त भएको छैन ।