बाबुले चक्कु प्रहार गर्दा २१ वर्षीय छोराको मृत्यु

काठमाडौँ । रुपन्देही घरायसी विवादका क्रममा बाबुले चक्कु प्रहार गर्दा छोराको मृत्यु भएको छ । बिहीबार रुपन्देहीको तिलोत्तमा नगरपालिका–१० मैनिहवामा ४५ वर्षीय सहसराम चौधरीले चक्कु प्रहार गर्दा उनका छोरा २१ वर्षीय सरोज चौधरीको मृत्यु भएको हो ।

घरायसी विवादका क्रममा सहसरामले सरोजमाथि चक्कु प्रहार गरेका थिए । चक्कु प्रहारबाट गम्भीर घाइते भएका सरोजको उपचारका क्रममा मृत्यु भएको हो । सरोजलाई क्रिमसन अस्पतालमा सामान्य उपचात पछि थप उपचारका लागि मेडिकल कलेज भैरहवा पठाइएको थियो ।