ग्लोबल आईएमई बैंकसहित आइएमई ग्रुपद्वारा बाढी प्रभावितका लागि रु. १० करोड सहयोग

काठमाडौं । आइएमई समूहले भोटेकोशी नदीमा आएको विनाशकारी बाढीका कारण प्रभावितको खोज, उद्धार, तत्काल राहत तथा पुनर्स्थापनाका लागि प्रधानमन्त्री दैवी प्रकोप उद्धार कोषमा १० करोड रुपियाँ बराबरको सहयोग गर्ने निर्णय गरेको छ ।

आइएमई ग्रुप तथा ग्रुपले प्रवर्द्धन गरेका कम्पनीहरु ग्लोबल आइएमई बैंक, आइएमई लिमिटेड, आइएमई लाइफ इन्स्योरेन्स, आइजीआई प्रुडेन्सियल इन्स्योरेन्स, चन्द्रागिरि हिल्स, डिसहोम, आइएमई मोटर्स एवम् साझेदार कम्पनी अशोक लिलेण्ड, आइएमई खल्ती, स्विफ्ट टेक्नोलोजी, मिदास हेल्थ, माइमार्ट, लुम्बिनी केवलकार, आइएमई फाउन्डेसल लगायतका अन्य कम्पनीमार्फत सहयोग उपलब्ध हुनेछ ।