बाढी आएको सूचनापछि गल्छीका बासिन्दा सडकमा, प्रहरीले माइकिङ गर्दै बस्ती खाली गराउँदै

धादिङ– रसुवाबाट पुनः बाढी आएको सूचना फैलिएपछि धादिङको गल्छी क्षेत्रका नदी तथा तटीय बस्तीका बासिन्दा त्रसित बनेका छन्। बाढीको जोखिमलाई मध्यनजर गर्दै स्थानीय बासिन्दा घरबाहिर निस्किएका छन् भने प्रहरीले माइकिङ गर्दै जोखिमयुक्त बस्ती खाली गराउन थालेको छ।

बाढीको सम्भावित जोखिमलाई ध्यानमा राख्दै राजमार्गमा समेत सवारी आवागमन रोकिएको छ। सम्बन्धित निकायले अर्को सूचना जारी नभएसम्म जोखिमयुक्त क्षेत्रमा आवतजावत नगर्न आग्रह गरिएको छ।