उद्धार तथा राहतका लागि महासङ्घले माग्यो देशभरका सदस्यहरूसँग सवारीसाधन सहयोग

काठमाडौँ । भोटेकोशी नदीमा आएको बाढीबाट प्रभावित भएका नागरिकहरूको खोजी, उद्धार तथा राहत वितरण कार्यलाई सहयोग पुर्‍याउने उद्देश्यले नेपाल निर्माण व्यवसायी महासङ्घले आफ्ना देशभरका सदस्यहरूलाई विभिन्न सवारीसाधनहरू उपलब्ध गराउन आग्रह गरेको छ।

महासङ्घका महासचिव शिवहरि घिमिरेले शनिबार एक आधिकारिक परिपत्र जारी गर्दै बाढीपीडितहरूको सहयोगार्थ मिनीट्रक, पिकअपलगायतका सवारीसाधनहरू तत्काल उपलब्ध गराउन सम्पूर्ण सदस्यहरूलाई जोडदार अपिल गरेका हुन्। जारी विज्ञप्तिमा भोटेकोशीको बाढीका कारण रसुवा, नुवाकोट, धादिङ लगायतका विभिन्न जिल्लाहरूमा अत्यन्तै अकल्पनीय मानवीय तथा भौतिक क्षति पुगेको उल्लेख गरिएको छ।