हर्क साम्पाङ भन्छन्- अरूलाई सहयोग गर्नुलाई हर्कवाद भन्छ, संकटको बेलामा टुलुटुलु हेरेर नबस्नू

काठमाडौं । श्रम संस्कृति पार्टीका अध्यक्ष हर्क साम्पाङले आफ्नो पार्टीमा कोही नेता, कार्यकर्ता नहुने बताएका छन्। आज स्याङ्जा पुगेका अध्यक्ष साम्पाङले पार्टीको कार्यक्रममा बोल्दै हर्कवादबारे संक्षिप्तमा व्याख्या गरे।

उनले भने, ‘अरूलाई सहयोग गर्नुलाई हर्कवाद भन्छ। यत्ति बुझ्नुस्। तपाईँलाई दुःख पर्दा मैले सहयोग गर्नुपर्छ भन्ने चेतना नै हर्कवाद हो। यसको धेरै लामो व्याख्या विश्लेषण छैन। अरूलाई दुःख पर्दा टुलुटुलु हेरिरहनु होइन, अरूलाई सहयोग गर्नुलाई हर्कवाद भन्छ।’