वर्षा र पहिरोले देशका विभिन्न स्थानमा नौ सडकखण्ड पूर्ण रूपमा अवरुद्ध

अविरल वर्षाका कारण देशका विभिन्न प्रमुख राजमार्ग तथा सडकखण्डमा यातायात सेवा प्रभावित भएको छ। नेपाल प्रहरी ले आज बिहान ६ः०० बजेसम्म सार्वजनिक गरेको विवरण अनुसार विभिन्न स्थानमा गएको पहिरो र बाढीका कारण नौ सडकखण्ड पूर्ण रूपमा अवरुद्ध भएका छन्।

प्रहरीका अनुसार काभ्रेपलाञ्चोक र सिन्धुली जोड्ने बिपी राजमार्गको खुर्कोट-नेपालथोक-कटुन्जेबेँसी सडकखण्डमा सम्भावित बाढीलाई मध्यनजर गर्दै बेलुका ६ः०० बजेदेखि बिहान ४ः०० बजेसम्म सबै प्रकारका सवारीसाधन सञ्चालनमा रोक लगाइएको छ। यद्यपि, बिहान ४ः०० बजेदेखि बेलुका ६ः०० बजेसम्म भने सवारीसाधन सुचारु हुने प्रहरीले बताएको छ। त्यस्तै, कान्ति लोकपथमा पनि वर्षाका कारण बेलुका ५ः०० बजेदेखि बिहान ५ः०० बजेसम्म सवारीसाधन सञ्चालनमा रोक लगाइएको छ।