नगरपालिकाबाट बिरामीलाई निःशुल्क रगत

झापाको अर्जुनधारा नगरपालिका र नेपाल रेडक्रस सोसाइटी झापा जिल्ला शाखाबिच नगरवासीलाई निःशुल्क रगत उपलब्ध गराउनेसम्बन्धी बिहीबार सम्झौता भएको छ।

सम्झौताअनुसार अर्जुनधारा नगरपालिकाभित्र स्थायी बसोबास गर्ने नेपाली नागरिकलाई स्वास्थ्य उपचारका क्रममा आवश्यक पर्ने रगत निःशुल्क उपलब्ध गराइनेछ। रगतको सेवा शुल्कबापत प्रतिपिन्ट रु एक हजार एक सय नगरपालिकाले नेपाल रेडक्रस सोसाइटी जिल्ला शाखालाई त्रैमासिक रूपमा भुक्तानी गर्नेछ।