गैरकानुनी रूपमा आयुर्वेदिक औषधि उत्पादन र बिक्री गरेको आरोपमा पाँचजना पक्राउ

काठमाडौं । गैरकानुनी रूपमा आयुर्वेदिक औषधि उत्पादन र बिक्री गरेको आरोपमा प्रहरीले पाँचजनालाई पक्राउ गरेको छ । काठमाडौं उपत्यका अनपराध अनुसन्धान कार्यालय टेकुबाट खटिएको टोलीले उनीहरूलाई पक्राउ गरेको कार्यालयका सूचना अधिकारी एसपी रामेश्वर कार्कीले जानकारी दिए ।

कार्कीका अनुसार उपत्यकाका विभिन्न स्थानमा विभिन्न कम्पनीका आयुर्वेदिक औषधि गैरकानुनी रूपमा उत्पादन तथा बिक्री गरेको सूचनाको आधारमा टोली खटिएको हो । उक्त टोलीले उनीहरूलाई साउन ६ गते उपत्यकाका विभिन्न स्थानबाट पक्राउ गरेको कार्कीले जानकारी दिए ।