मिटरब्याज सम्बन्धी लिखत अवैध घोषणा: पीडितलाई न्यायको आशासँगै कानुनी जटिलताको चाङ

काठमाडौँ । सरकारले मिटरब्याज पीडितसँग भएको सहमति बमोजिम यससँग सम्बन्धित सबै प्रकारका लिखतलाई अवैध घोषणा गर्ने निर्णय गरेको छ । यद्यपि यसको कार्यान्वयन पक्षमा भने चुनौतीका चाङ देखिएका छन् ।

बुधबार बसेको मन्त्रिपरिषद् बैठकले साउन १ गते पीडित पक्ष र सरकारी वार्ता टोलीबिच भएको सहमतिलाई अनुमोदन गर्दै यस्तो निर्णय गरेको हो ।