बीमा र धितोपत्र कसुर मुद्दाकी फरार अभियुक्त मृदुला सरिया प्रहरी नियन्त्रणमा

क्रेष्ट माइक्रो इन्स्योरेन्सकी पूर्व सञ्चालक मृदुला सरियालाई नेपाल प्रहरीको केन्द्रीय अनुसन्धान ब्युरो (सीआईबी) ले बिहीबार पक्राउ गरेको छ। उनी बीमा तथा धितोपत्रसम्बन्धी कसुरका मुद्दामा फरार अभियुक्तका रूपमा खोजी सूचीमा रहेकी थिइन्।

नेपाल सरकारले बीमा ऐन अन्तर्गत दर्ता गरेको मुद्दामा हिमालयन रिइन्स्योरेन्सका प्रवर्द्धक दीपक भट्ट, सुलभ अग्रवालसहित ४१ जनाविरुद्ध अभियोग दायर गर्दा सरियालाई पनि प्रतिवादी बनाइएको थियो। अभियोग दायर हुनुअघि नै उनी सम्पर्कविहीन भएकाले सरकारी पक्षले उनलाई फरार अभियुक्तका रूपमा उल्लेख गरेको थियो।