गृह मन्त्रालयमा सहसचिवको दरबन्दी कटौती गरी ९ जिल्लाको सिडिओ उपसचिव राख्ने तयारी

काठमाडौं । गृह मन्त्रालयले संगठन तथा व्यवस्थापन (ओएन्डएम) सर्वेक्षणमार्फत व्यापक प्रशासनिक पुनर्संरचनाको तयारी गरेको छ। मन्त्रालयको प्रशासन महाशाखाका सहसचिव कालीप्रसाद पराजुलीले ओएन्डएमको सैद्धान्तिक सहमति लिएर पुनर्संरचनाको काम भइरहेको बताए।

‘ओएन्डएम नै त भइरहेको छैन। तर, हामीले ओएन्डएमको सैद्धान्तिक सहमति लिएका छौँ। महाशाखा, विभाग र सहसचिव दरबन्दी भएको केही जिल्लाको दरबन्दी कटौतीको छलफल भएको छ निर्णयमा पुगिसकेका छैनौँ,’ उनले भने।