दाबी भुक्तानी दोब्बर, बीमाशुल्क घट्दा नेपाल रिको वित्तीय प्रदर्शनमा ठूलो धक्का

सरकारी स्वामित्वको नेपाल पुनर्बीमा कम्पनी लिमिटेड (नेपाल रि) आर्थिक वर्ष २०८२/८३ को तेस्रो त्रैमाससम्म आइपुग्दा ५ अर्ब ८४ करोड २ लाख रुपैयाँ घाटामा पुगेको छ। अघिल्लो आर्थिक वर्षको सोही अवधिमा कम्पनीले ५४ करोड ८२ लाख रुपैयाँ खुद नाफा कमाएको थियो। यसपटक भने उच्च दाबी भुक्तानी तथा बीमाशुल्क आम्दानीमा आएको गिरावटले कम्पनीको वित्तीय प्रदर्शनमा ठूलो असर परेको देखिएको छ।

कम्पनीले सार्वजनिक गरेको अपरिष्कृत वित्तीय विवरणअनुसार जेनजी आन्दोलनसँग सम्बन्धित उच्च दाबी भुक्तानीले नाफा घाटामा परिणत हुन प्रमुख भूमिका खेलेको छ।