काभा भलिबलमा नेपालले आज पाकिस्तानसँग खेल्दै

काठमाण्डु – पाकिस्तानमा जारी सेन्ट्रल एसियन भलिबल एसोसिएसन (काभा) च्याम्पियनपिसमा नेपालले शुक्रबार घरेलु टोली पाकिस्तानसँग खेल्दैछ। खेल नेपाली समयअनुसार बेलुका पौने ६ बजे सुरु हुनेछ।

पछिल्ला दुई खेलमा पराजित नेपाली टोली पहिलो जितको लक्ष्यमा छ। यसअघिका खेलमा नेपाल क्रमशः कजाखस्तान र श्रीलंकासँग समान ३–२ सेटको नतिजामा पराजित भएको थियो। नेपाल दुई अंकसहित तालिकाको अन्तिममा छ। घरेलु टोली पाकिस्तान दुई खेलमा विजयी हुँदै छ अंकका साथ तालिकाको शीर्ष स्थानमा रहेको छ।