बर्दीमाथि आक्रमण : विधिको शासनमाथि चुनौती

काठमाडौँ ।

कुनै पनि स्वतन्त्र, सार्वभौमसत्ता सम्पन्न र लोकतान्त्रिक राज्यको पहिलो आधार बलियो सुरक्षा व्यवस्था र उच्च मनोबलयुक्त सुरक्षा निकाय हो । सडकमा अहोरात्र खटिने प्रहरी वा सीमा र राष्ट्रिय सुरक्षामा पहरा दिने सेना सामान्य कर्मचारी मात्र होइनन्, उनीहरू राज्यको प्रत्यक्ष उपस्थिति, कानुनी शासन र नागरिकको जीउधनको सुरक्षाका संगठित प्रतिनिधि हुन् । त्यसैले ड्युटीमा खटिएका सुरक्षाकर्मीमाथि विशेषतः महिला प्रहरीमाथि हुने हातपात, दुव्र्यवहार र मानमर्दनलाई सामान्य घटनाका रूपमा लिन मिल्दैन ।