‘पहिला म’ होइन, ‘पहिला तिमी’ भन्ने भावना विकास गर्नुपर्छ : महानायक हमाल

महानायक राजेश हमालले सडक व्यवस्थापनलाई सहज र व्यवस्थित बनाउन आम नागरिकको मानसिकता बदल्नु अपरिहार्य रहेको बताएका छन्।

मेट्रो ट्राफिक एफएमको १४औँ वार्षिकोत्सव कार्यक्रममा बोल्दै उनले ट्राफिक व्यवस्थापनलाई केवल प्रहरीको मात्र जिम्मेवारी नभई सम्पूर्ण नागरिकको साझा दायित्वको रूपमा लिनुपर्नेमा जोड दिएका हुन्। सडकमा देखिने मुख्य समस्याको चर्चा गर्दै हमालले ‘पहिला म, पहिला म’ भन्नुभन्दा ‘पहिला तिमी, पहिला तिमी’ भन्ने भावनाको विकास गर्नुपर्नेमा जोड दिए।