रातो मसी

बुवाले पुरानो काठको बाकस खोल्नुभयो । ढकनी उठ्नेबित्तिकै पुरानो कागज र काठ मिसिएको गन्ध कोठाभरि फैलियो । भित्र केही पहेँलिएका तस्बिर, विद्यालयको एउटा मेडल, फुटेको पेन्सिल र सबैभन्दा तल थन्किएको मेरो पुरानो कापी थियो ।

उहाँले कापी उठाउनुभयो । त्यसमा जमेको धुलो हल्का फुक्नुभयो र पाना पल्टाउन थाल्नुभयो । केही पाना छिट्टै पल्टिए । एउटा पानामा पुगेपछि उहाँको हात रोकियो ।