सीमाविद् श्रेष्ठ ‘राष्ट्रिय विभूति भीमसेन थापा पुरस्कार’ बाट सम्मानित

राष्ट्रपति रामचन्द्र पौडेलले यस वर्षको ‘राष्ट्रिय विभूति भीमसेन थापा पुरस्कार’ देशको सिमानाका विषयमा निरन्तर उल्लेखनीय योगदान पुर्‍याउने सीमाविद् बुद्धिनारायण श्रेष्ठलाई प्रदान गरिएको छ।

राष्ट्रिय विभूति भीमसेन थापाको २५२औँ जन्मजयन्तीका अवसरमा शुक्रबार एक समारोहका बिच उनलाई एक लाख एक हजार १११ रुपैयाँ नगद तथा सम्मानपत्र प्रदान गरिएको हो। सो अवसरमा राष्ट्रपति पौडेलले नेपालको राष्ट्रियताको संरक्षण र संवर्द्धनमा विभूति भीमसेन थापाको ऐतिहासिक योगदान रहेको चर्चा गर्दै उनको स्मृतिमा राष्ट्रलाई योगदान गर्ने संस्था वा व्यक्तित्वलाई हरेक वर्ष यसरी पुरस्कृत गर्नु प्रशंसायोग्य कार्य भएको बताएका थिए।