‘हिट एन्ड मिस’ शैलीमा देश चलाउनु कति बुद्धिमानी ? शासन प्रणालीमाथि राजेश हमालको गम्भीर प्रश्न

काठमाडौं- महानायक राजेश हमालले देशको शासन प्रणाली, नीति निर्माण र दीर्घकालीन राष्ट्रिय योजनामाथि गम्भीर टिप्पणी गरेका छन् । सामाजिक सञ्जालमा आफ्नो धारणा सार्वजनिक गर्दै उनले मुलुकलाई केवल अनुमान, परीक्षण र तत्कालीन व्यवस्थापनका आधारमा सञ्चालन गर्नु बुद्धिमानी नहुने बताएका छन् ।

हमालले देशको शासन प्रणाली नै ‘हिट एन्ड मिस’ अर्थात् अन्दाज र परीक्षण को भरमा सञ्चालन गर्न खोज्नु राष्ट्रका लागि दीर्घकालीन रूपमा जोखिमपूर्ण हुन सक्ने उल्लेख गरेका छन्। उनका अनुसार कुनै पनि राष्ट्रको भविष्य संयोगले तय हुँदैन, बरु स्पष्ट दूरदृष्टि, तथ्यमा आधारित निर्णय र सुदृढ दीर्घकालीन रणनीतिले निर्माण गर्छ ।