उद्योग दर्तादेखि नवीकरणसम्म, बागमतीका १३ जिल्लामा सबै सेवा अनलाइनबाटै

काठमाडौं । बागमती प्रदेश सरकारले उद्योग प्रशासनसम्बन्धी सेवालाई पूर्ण रूपमा डिजिटल बनाउने तयारी गरेको छ । आगामी आर्थिक वर्ष २०८३/८४ देखि प्रदेशका सबै १३ जिल्लामा उद्योग प्रशासन सेवा अनलाइन प्रणालीमार्फत सञ्चालन गर्ने लक्ष्य लिइएको हो ।

प्रदेशको उद्योग, वाणिज्य, भूमि तथा प्रशासन मन्त्रालयका प्रवक्ता कुमार तामाङका अनुसार हाल उद्योग तथा वाणिज्य कार्यालय, मकवानपुरबाट उद्योग दर्ता, नवीकरण, नामसारीलगायतका सेवा अनलाइनमार्फत प्रदान गर्न थालिएको छ । यही प्रणालीलाई विस्तार गर्दै प्रदेशका सबै जिल्लामा लागू गर्ने तयारी गरिएको उनले बताए ।