सुर्खेतमा उपभोक्ताले ग्यास पाएका छैनन्,आयल निगम भन्छ- अभाव छैन

काठमाडौँ- कर्णाली प्रदेशको वीरेन्द्रनगरमा खाना पकाउने एलपी ग्यास नपाएको भन्दै उपभोक्ताले गुनासो गरिरहेका बेला नेपाल आयल निगम सुर्खेतले भने बजारमा ग्यासको अभाव नरहेको जनाएको छ।

निगमका प्रमुख दिपककुमार घिमिरेका अनुसार भारतबाट आवश्यक परिमाणमा एलपी ग्यास नियमित रूपमा आयात भइरहेको छ। पछिल्लो समय अभाव हुन सक्ने मनोवैज्ञानिक त्रासका कारण उपभोक्ताले आवश्यकताभन्दा बढी ग्यास सञ्चय गर्न थालेकाले वितरण प्रणालीमा केही असर परेको उनले बताए।