रामेछापको राजनीतिक इतिहास समेटिएको ‘रामेछाप जनप्रतिनिधि सङ्गालो’ पुस्तक प्रकाशित

काठमाडौं- रामेछाप जिल्लाको राजनीतिक इतिहास, जनप्रतिनिधिहरूको परिचय र स्थानीय शासनको विकास यात्रालाई समेट्ने ‘रामेछाप जनप्रतिनिधि सङ्गालो’ पुस्तक प्रकाशित भएको छ ।

दुई दशकदेखि पत्रकारिता क्षेत्रमा सक्रिय रहेका गाउँसहर डटकमका सम्पादक तथा आमसञ्चार एवं पत्रकारिता विषयका अध्यापक शिवराज खड्काद्वारा लिखित उक्त पुस्तकले विक्रम संवत् २००८ सालदेखि २०८२ सालसम्म रामेछापबाट विभिन्न तहमा प्रतिनिधित्व गरेका जनप्रतिनिधिहरूको राजनीतिक यात्रा, योगदान र परिचयलाई दस्तावेजीकरण गरेको छ ।