'बेहुली'को पहिलो गीत 'दिलमा ठाउँ छ'मा पारस र दिव्याको नृत्य

काठमाडौँ । आगामी भदौ २६ गतेदेखि प्रदर्शनमा आउन लागेको चलचित्र ‘बेहुली’को पहिलो गीत ‘दिलमा ठाउँ छ’ सार्वजनिक गरिएको छ । शुक्रबार काठमाडौँको एक कार्यक्रम सहित गीत सार्वजनिक गरिएको हो । गीतमा चलचित्रका निर्मातासमेत रहेका संगीतकार अर्जुन पोखरेलको शब्द तथा संगीत छ भने अन्जु पन्त, प्रशान्त सिवाकोटी र रवि ओडको स्वर छ।

गीतकाे भिडियोमा पारस बम ठकुरी, दिव्या रायमाझी, सुशान्त कार्की र कलाकार पदम तामाङ फिचर्ड छन् । सियोन श्रेष्ठ गीतको कोरियोग्राफी हुन् ।