अनुसन्धानकर्ताले बनाएर शरीरमा आफैँ लाग्ने कपडा

सोल । दक्षिण कोरियाको कोरिया एडभान्स्ड इन्स्टिच्युट अफ साइन्स एन्ड टेक्नोलोजी (केएआईएसटी) र अमेरिकाको स्ट्यानफोर्ड विश्वविद्यालयका अनुसन्धानकर्ताहरूले मानिसको सहयोगबिनै आफैँ शरीरमा लागिने नयाँ प्रकारको कपडा विकास गरेका छन् ।

स्वचालित कार जस्तै यो रोबोटिक कपडा पनि लगाउने व्यक्तिको शरीरमा आफैँ लाग्ने छ । सेल्फ–वेयरिङ एडाप्टिभ गार्मेन्ट्स (एसडब्ल्यूएजी) नाम दिइएको यो प्रविधिले विशेषगरी वृद्धवृद्धा, अशक्त व्यक्ति तथा शारीरिक रूपमा सीमित क्षमता भएका मानिसहरूलाई सजिलै कपडा लगाउन सहयोग गर्ने अपेक्षा गरिएको छ ।