नेपाल दूरसञ्चार प्राधिकरणद्वारा अनलाइन सट्टेबाजी र अवैधानिक वित्तीय कारोबारका दुई लाखभन्दा बढी वेबसाइट तथा एप बन्द

काठमाडौं / नेपाल दूरसञ्चार प्राधिकरणले अनलाइन सट्टेबाजी (बेटिङ) र अवैधानिक वित्तीय कारोबार हुने दुई लाखभन्दा धेरै वेबसाइट तथा एप बन्द गरेको छ।

सरकारले गत चैत १३ मा जारी गरेको शासकीय सुधारसम्बन्धी एक सय कार्यसूचीको ४२ औँ बुँदामा सट्टेबाजी एप र त्यससम्बन्धी वेबसाइट २४ घण्टाभित्र बन्द गर्ने उल्लेख गरिएको थियो। सोही निर्णयअनुसार नेपालमा सञ्चालित त्यस्ता वेबसाइट बन्द गरिएको भए पनि नयाँ नाममा खुल्ने क्रम जारी रहेको छ।