हस्ताक्षर भएको २४ घण्टा नबित्दै ट्रम्पद्वारा साउदी-अमेरिका आणविक सम्झौतामा रोक

अमेरिका र साउदी अरबबीच भएको नागरिक आणविक सम्झौतामा हस्ताक्षर भएको २४ घण्टा नबित्दै अमेरिकी राष्ट्रपति डोनाल्ड ट्रम्पले नयाँ सर्त थप्दै उक्त सम्झौतामाथि रोक लगाएका छन्।

बिहीबार मात्रै अमेरिकी ऊर्जा मन्त्रालयमा हस्ताक्षर भएको उक्त सम्झौतालाई लिएर शुक्रबार बिहान सामाजिक सञ्जालमा पोस्ट गर्दै ट्रम्पले साउदी अरबले इजरायलसँगको सम्बन्ध सामान्यीकरण गर्ने 'अब्राहम एकर्ड्स'मा सामेल हुनुपर्ने सर्त अघि सारेका हुन् । साथै, उनले साउदीलाई युरेनियम प्रशोधन गर्न दिने कुरा पनि अस्वीकार गरेका छन्।