नेपाल र कोरिया सरकारबीच दुई प्रमुख समझदारी पत्रमा हस्ताक्षर

काठमाडौँ । नेपाल र गणतन्त्र कोरियाबीच दुई प्रमुख समझदारी पत्रमा हस्ताक्षर भएको छ । कृषि मूल्य श्रृंखला र कानूनी सूचना सेवा सुदृढ गर्नका लागि कोरिया सरकारले कोरियाली अन्तर्राष्ट्रिय सहयोग नियोग (कोईका) मार्फत र नेपाल सरकारको अर्थ मन्त्रालयको प्रतिनिधित्वमा कुल ११.८ मिलियन अमेरिकी डलरको दुई समझदारी पत्रमा हस्ताक्षर कार्यक्रम अर्थ मन्त्रालयमा भएको हो ।

कोइका र सम्बन्धित साझेदार संस्थाहरू मार्फत कार्यान्वयन गरिने यी दुई परियोजनाहरूले नेपालमा कृषि मूल्य श्रृंखला विकास र कानूनी जानकारीमा सार्वजनिक पहुँच सुधार गर्न सहयोग गर्नेछन् ।