एक बन्द, अर्को खुल्ने चुनौतीबीच २ लाखभन्दा बढी बेटिङ वेबसाइट बन्द

काठमाडौं । नेपाल दूरसञ्चार प्राधिकरण (NTA) ले अनलाइन सट्टेबाजी (बेटिङ) तथा अवैध वित्तीय कारोबारमा संलग्न २ लाख २३ हजार ५६८ वटा वेबसाइट र मोबाइल एप बन्द गरेको जनाएको छ । सरकारले दिएको जिम्मेवारीअनुसार प्राधिकरणले यस्ता प्लेटफर्मविरुद्धको निगरानी र कारबाहीलाई तीव्र बनाएको हो ।

सरकारले चैत १३ गते सार्वजनिक गरेको शासकीय सुधारसम्बन्धी १०० कार्यसूचीअन्तर्गत सञ्चार तथा सूचना प्रविधि मन्त्रालयलाई अनलाइन बेटिङसम्बन्धी वेबसाइट तथा एप २४ घण्टाभित्र बन्द गर्ने व्यवस्था मिलाउने जिम्मेवारी दिएको थियो । सोही निर्देशनअनुसार प्राधिकरणले विशेष अभियान सञ्चालन गरेको जनाएको छ ।