हेरिटेज गार्डेनमा साउन ९ र १० गते ‘श्रावण मेला’, १० हजारभन्दा बढी आगन्तुक सहभागी हुने अपेक्षा

ललितपुर– नेपाली संस्कृति, परम्परा र नारीत्वको उत्सवका रूपमा मनाइने ‘श्रावण मेला २०८३’ भोलि साउन ९ तथा तथा पर्सि साउन १० गते २५–२६ जुलाई २०२६ मा ललितपुरको सानेपास्थित हेरिटेज गार्डेनमा आयोजना हुने भएको छ । नेपालको प्रमुख इभेन्ट म्यानेजमेन्ट कम्पनी क्लासिक्स प्रोजेक्ट्सले यो मेलाको दोस्रो संस्करण आयोजना गर्न लागेको हो ।

आयोजकका अनुसार साउन महिनाको धार्मिक, सांस्कृतिक तथा सामाजिक महत्वलाई आधुनिक शैलीमा प्रस्तुत गर्दै महिला, परिवार, दम्पती र सबै उमेर समूहका आगन्तुकलाई लक्षित गरी दुई दिने मेला आयोजना गर्न लागिएको हो ।