चौराहा–गोलपार्क सडक निर्माणको म्याद तेस्रो पटक थपियो

बुटवल । सिद्धार्थ राजमार्गअन्तर्गत बुटवलको चौराहा–गोलपार्क सडक निर्माणको म्याद तेस्रो पटक थप गरिएको छ। असार मसान्तभित्र निर्माण सम्पन्न गर्नुपर्ने भए पनि निर्माण व्यवसायीले तोकिएको समयसीमाभित्र काम पूरा गर्न नसकेपछि म्याद थप गरिएको हो।

सडक डिभिजन कार्यालय बुटवलका प्रमुख इन्जिनियर नवराज बास्तोलाका अनुसार अब निर्माण सम्पन्न गर्न २०८३ असोज २० गतेसम्मको समय दिइएको छ ।