भेलाको तयारीबारे छलफल गर्न कांग्रेस इतर समूहको बैठक बस्दै

काठमाडौँ । नेपाली कांग्रेसका पूर्वसभापति शेरबहादुर देउवा र नेता डा. शेखर कोइराला समूहले बैठक बोलाएको छ। शुक्रबार अपराह्न ४ बजे समूहको सम्पर्क कार्यालय चुनदेवीमा बैठक बस्न लागेको नेता मीन विश्वकर्माले जानकारी दिए ।

समूहले पार्टीको वर्तमान अवस्थालाई चिर्दै नयाँ कार्यदिशा तय गर्न भन्दै साउन २९ गतेदेखि राष्ट्रिय भेला गर्ने घोषणा गरेको छ। उक्त भेलाको तयारी गर्न समूहका शीर्ष तहका नेताहरूको बैठक बस्न लागेको नेता विश्वकर्माले बताए ।